साफ च्याम्पियनसिप आजदेखि, उद्घाटन खेलमा नेपाल र कुवेत भिड्दै
काठमाडौं । १४औं संस्करणको साफ च्याम्पियनसिप फुटबल आजदेखि भारतको बेंग्लाेरमा सुरु हुँदैछ ।साफ च्याम्पियनसिप फुटबलकाे उद्घाटन खेलमा नेपालले कुवेतसँग खेल्दैछ । नेपाल र कुवेतबीचकाे खेल बेंग्लाेरस्थित श्री कान्तिराभा रंगशालामा नेपाली समय अनुसार दिउँसो पौने ४ बजे सुरु हुनेछ ।
याे संस्करणकाे प्रतियाेगितामा साफका ६ र २ आमन्त्रित गरी ८ राष्ट्र टोली सहभागी छन् । साफ च्याम्पियनसिपमा नेपाल समूह 'ए' मा छ । नेपालको समूहमा साविक विजेता भारत, कुवेत र पाकिस्तान छन् । समूह 'बी' मा लेबनान, माल्दिभ्स, भुटान र बंगलादेश छन् ।
फिफाको प्रतिबन्धका कारण यो संस्करणमा श्रीलंका सहभागी छैन । प्रतियोगिताको यस संस्करणमा कुवेत र लेबनानले भने आमन्त्रित टोलीका रुपमा सहभागिता जनाएका छन् ।
नेपालले असार ९ गते आयोजक भारत र असार १२ गते पाकिस्तानसँग खेल्नेछ । माल्दिभ्समा भएको १३औं साफ च्याम्पियनसिपमा भारतसँग ३-० ले पराजित हुँदै नेपाल उपविजेता बनेको थियो ।
What's Your Reaction?
![like](https://hamroglobalmedia.com/assets/img/reactions/like.png)
![dislike](https://hamroglobalmedia.com/assets/img/reactions/dislike.png)
![love](https://hamroglobalmedia.com/assets/img/reactions/love.png)
![funny](https://hamroglobalmedia.com/assets/img/reactions/funny.png)
![angry](https://hamroglobalmedia.com/assets/img/reactions/angry.png)
![sad](https://hamroglobalmedia.com/assets/img/reactions/sad.png)
![wow](https://hamroglobalmedia.com/assets/img/reactions/wow.png)