कसरी सुरु भयो रङ्गोली बनाउने चलन ?

काठमाडौं । उज्यालोको पर्व तिहारमा हामीले घर आँगनमा सुन्दर रङ्गीचङ्गी रङ्गोली बनाउँछौँ । तिहारमा रङ्गोलीको के महत्त्व छ र कस्तो प्रकारको रङ्गोली बनाउनुपर्छ, यसबारे जानौँ ।

धेरै व्यक्तिले यस दिन आफ्नो घरमा दियो बाल्छन् । बाबियोको डोरीमा तोरण बाँध्छन् । यस अवसरमा आँगनमा सुन्दर रङ्गोली पनि बनाइन्छ । भनिन्छ कि दीपावली पर्वको सुरुवात भगवान् श्रीरामको अयोध्या फर्कने क्रममा भएको थियो । भगवान् श्रीरामको फिर्ती राम चरित मानसअनुसार सम्पूर्ण अयोध्यावासीहरूले भगवान् रामको चौध वर्षको वनवास समाप्त हुने प्रतीक्षा गरेका थिए ।

यस बीचमा भगवान् श्रीरामले रावणको वध गरी लङ्कामाथि विजय प्राप्त गरेका थिए । त्यसपछि भगवान् श्रीराम आफ्नो घर अयोध्या फर्किँदै थिए । यो कुरा सुन्ने बित्तिकै सम्पूर्ण अयोध्या बासिन्दामा खुसीको माहौल देखिएको थियो । यस खुसीको अवसरमा नगरबासिन्दाले आफ्नो घर र नगरलाई दियोले सजाएका थिए ।

साथै, व्यक्तिले आफ्नो घरको आँगनमा सुन्दर रङ्गोली पनि बनाए । खासगरी रङ्गोलीमा मानिसहरूले फूलहरू र रङ्गीचङ्गी रङ्गहरूको प्रयोग गर्थे ।

रङ्गोलीमा पनि व्यक्तिले धर्मका विभिन्न प्रतीक र चिन्हहरू बनाएका थिए । शास्त्रअनुसार घरको आँगनमा ॐ, सत्य, दीप, शुभ, लाभ आदि प्रकारका चिन्ह, प्रतीक वा अक्षरहरू भएको रङ्गोली बनाउँदा सकारात्मक ऊर्जा प्राप्त हुन्छ ।

यदि तपाईं पनि घरमा सजिलो र राम्रो रङ्गोली बनाउन चाहनुहुन्छ भने आफ्नो घरको आँगनमा रङ्गोली रङ्गहरूको सट्टामा गुलाब, बेली जस्ता फूल र पातहरूको रङ्गोली सजिलैसँग बनाउन सक्नुहुन्छ ।

फूलहरूको रङ्गोलीले घरको आँगनको शोभा बढाउनुका साथै घरको वातावरणलाई पनि सुगन्धित बनाउँछ । साथै तपाईं रङ्गीन मिठाई वा ढुङ्गाहरूबाट पनि रङ्गोली बनाउन सक्नुहुन्छ । यसले तपाईंको घरमा आउने नकारात्मक ऊर्जालाई टाढा राख्छ र घरमा सुख–शान्ति कायम राख्छ ।