देवरले गरे भाउजूमाथी खुकुरी प्रहार

काठमाडौं । मोरङमा एक जना व्यक्तिले आफ्नै भाउजूमाथि  खुकुरी प्रहार गरेका छन्।

कानेपोखरी गाउँपालिका–४ बयरवनका वसन्त सार्कीले  भाउजू  शिवा श्रेष्ठ (सार्की) माथी शनिबार राति खुकुरी प्रहार गरेको मोरङ प्रहरीले जानकारी दिएको छ ।

मोरङ प्रहरी  प्रवक्ता डीएसपी वेदप्रकाश जोशीका अनुसार खुकरी प्रहारबाट शिवा गम्भीर घाइते भएकी छन् । उनको  दाहिने हातको नाडी र दाहिने पातामा गहिरो चोट लागेको छ।

उनको विराटनगरस्थित नोबेल शिक्षण अस्पतालमा उपचार भइरहेको जोशीले बताए । घटनामा संलग्न वसन्त  इलाका प्रहरी कार्यालय पथरीको हिरासतमा  छन् ।