नक्कली फेसबुकआइडी बनाएर महिलालाई हैरानी दिने भारतीय नागरिक पक्राउ

इलाम, ४ मङ्सिर । नक्काली (फेक) फेसबुक आईडी बनाई महिलाको चरित्र हत्या गरी सामाजिक रुपमा दु:ख हैरानी दिने व्यक्तिलाई इलाम प्रहरीले पक्राउ गरेको छ ।

पक्राउ पर्ने देश भारत आसाम राज्य, जिल्ला नगाँउ, कोलियावर सुलुङ ढोलपानी घर बताउने २१ वर्षीय प्रशान्त दास रहेकोका छन । निजले फेसबुक आईडीबाट चिनजान भएका जिल्ला इलाम सुर्योदय नगरपालिकाका १ महिलाले चलाउने गरेको फेसबुकबाट निजको परिवारको फोटो तानी महिलाको अन्य आफन्तको नक्कली (फेक) फेसबुक आईडी बनाई सो आईडीबाट महिला समेतको फोटो पोष्ट गरी चरित्र हत्या गरी दु:ख हैरानी दिने गरेको र अश्लिल यौनजन्य फोटोहरु समेत पठाउने गरेकोले निजलाई मिति २०८१।०८।०३ गते प्रहरी चौकी फिक्कल इलामबाट खटिएको प्रहरीले सुर्योदय नगरपालिका १० फिक्कल चोकबाट पक्राउ गरेको हो ।

पक्राउ परेका दासबाट साथमा भएको Samsung galaxy m14 कम्पनी मोवाईल थान-१ समेत बरामद गरी आज मिति २०८१।०८।०४ गते सम्मानित जिल्ला अदालत इलामबाट बिद्युतिय कारोबार ऐन २०६३ को दफा ४७ बमोजिम अपराध मुद्दामा दिन १०(दश) म्यादथप गरी आवश्यक अनुसन्धान कार्य भईरहेको ।

साथै इलाम प्रहरीले आम नागरीकहरुलाई कम्प्युटर, ईन्टरनेट लगायतका विद्युतीय सञ्चार माध्यमहरुमा प्रचलित कानुनले प्रकाशन तथा प्रदशन गर्न नहुने भनि रोक लगाएका सामग्रीहरु कानुन बिपरित प्रकाशन गरेमा तथा ईन्टरनेट जन्य साधनको दुरुपयोग गरी दु:ख हैरानि दिने तथा चरित्र हत्या जस्ता कार्य गरेमा बिधुतिय कारोवार ऐन २०६३ बमोजिम आवश्यक कार्वाही हुने जिल्ला प्रहरी कार्यालय इलामका सुचना अधिकारी मान मबहादुर राईले जानकारी दिनुभयो।

The post नक्कली फेसबुकआइडी बनाएर महिलालाई हैरानी दिने भारतीय नागरिक पक्राउ appeared first on Jhapa Online.