बालिका बलात्कार आरोपमा पूर्वमेयर शिवाकोटी पक्राउ

झापा । बालिका बलात्कार आरोपमा बिर्तामोड नगरपालिकाका पूर्वमेयर ध्रुवकुमार शिवाकोटी  पक्राउ परेका छन्।

घरेलु कामदार १७ वर्षीया बालिकामाथि बलात्कार गरेको आरोपमा शिवाकोटी पक्राउ परेको झापा प्रहरीले  जानकारी दिएको छ।

पीडित बालिका कलेज पोसाकमै काँकडभिट्टा नाकाबाट भारतको पानीट्यांकीतिर जाँदै गर्दा उनलाई आफन्त नेपाल नामक संस्थाका प्रतिनिधिहरूले प्रहरीको सहयोगमा  उद्धार गरिएको जिल्ला प्रहरी कार्यालय झापाका प्रवक्ता डिएसपी कृष्णकुमार चन्दले जानकारी दिए ।

प्रहरीका अनुसार बालिकाले आफूमाथि पूर्वमेयर शिवाकोटीले जबरजस्ती करणी गरेको बताएको आधारमा उनी पक्राउ परेका हुन् ।

बालिकालाई शिवाकोटीले पढाइदिने सर्तमा घरेलु कामदारका रूपमा राखेको बताइएको छ ।