धन्यवाद तथा शुभकामना कार्यक्रम

विराटनगर, २ पुस । कोशी प्रदेश प्रहरी कार्यालय विराटनगरको सभाहलमा आयोजित कार्यक्रममा कोशी प्रदेश प्रहरी कार्यालय बिराटनगरबाट केन्द्रिय अनुसन्धान व्युरो काठमाण्डौ सरुवा भई जान लाग्नु भएका प्रहरी नायव महानिरीक्षक चन्द्र कुबेर खापुङलाई धन्यवाद तथा शुभकामना व्यक्त गरिएको छ ।

पुस २ गते आयोजित कार्यक्रममा नेपाल प्रहरी प्रदेश कार्यालय धरानका प्रहरी वरिष्ठ उपरीक्षक जयराज सापकोटा, कोशी प्रदेश प्रहरी तालिम केन्द्र विराटनगरका समादेशक प्रहरी वरिष्ठ उपरीक्षक अबि नारायण काफ्ले, कोशी प्रदेश प्रहरी कार्यालय विराटनगरका प्रहरी वरीष्ठ उपरीक्षक भीम बहादुर दाहाल सहित जिल्ला प्रहरी कार्यालय झापा, मोरङ, सुनसरी, इलाम, उदयपुर, धनकुटा तथा नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरी, कोशी प्रदेश प्रहरी गण विराटनगरका प्रहरी प्रमुख सहित प्रहरी अधिकृत तथा जवानहरुले प्रहरी नायव महानिरीक्षक चन्द्र कुबेर खापुङलाई व्यवसायीक एवं पारिवारीक जीवनको उत्तरोत्तर प्रगतिको कामना सहित आगामी कार्यकालको शुभकामना प्रदान गर्नु भएको थियो ।

धन्यवाद तथा शुभकामना कार्यक्रममा प्रहरी नायव महानिरीक्षक खापुङले संगठनको लक्ष हासिल गर्न तथा कोशी प्रदेशमा शान्ति सुरक्षा कायम राख्न आफ्नो पदिय दायित्व सहित कुशल नेतृत्व निर्वाह गर्न आफुलाई सहयोग गर्नु हुने सम्पुर्ण प्रहरी अधिकृत तथा प्रहरी जवानहरुलाई हार्दिक धन्यवाद व्यक्त गर्नु भयो ।

The post धन्यवाद तथा शुभकामना कार्यक्रम appeared first on Jhapa Online.