ग्यास लिक भएर आगलागी हुँदा घर जलेर नष्ट

काठमाडौं ।

टोखा नगरपालिका वडा नम्बर ६ धापासीको शिव मन्दिर हाईटस्थित एक घरमा भीषण आगलागी भएको छ । त्यहाँस्थित भाईकाजी श्रेष्ठको साढे तीन तलाको घरमा आज साँझ ५ बजेतिर आगलागी हुँदा घर पूर्णरुपमा जलेर नष्ट भएको प्रहरीले जानकारी दिएको छ ।

साँझ ५ बजेको समयमा ग्यास लिक हुँदा आगलागी भएको थियो । आगलागी भए लगत्तै खबर गरेपछि प्रहरी परिचालन गरिएको थियो । काठमाडौँ, भक्तपुर र ललितपुरको दमकल र नेपाल प्रहरी र स्थानीयको सहयोगमा आगो निभाउने काम भइरहेको छ ।

आगलागीबाट भएको क्षतिको विवरण भने आइसकेको छैन ।