सहारा नेपाल साकोसको शेयर पुँजी १ अर्ब ६७ करोड नाग्यो

झापा, १७ पुस । झापाको बिर्तामोड नगरपालिका–२ चारपानेमा मुख्य कार्यालय रहेको सहारा नेपाल बचत तथा ऋण सहकारी संस्था लि. (सहारा नेपाल साकोस) शेयर पुँजी १ अर्ब ६७ करोड नाघेको छ ।

संस्थाको आर्थिक वर्ष २०८०÷०८१ असार मसान्त सम्मको वित्तीय विवरण अनुसार कुल पुँजी तथा दायित्व १६ अर्ब ८३ करोड ३३ लाख ३६ हजार ४१०, शेयर पुँजी १ अरब ६७ करोड ८६ लाख १२ हजार ७००, निक्षेप १२ अर्ब ७५ करोड ३७ लाख ६३ हजार २०८ रहेको छ ।

यसैबीच, आज दुर्गापुर सेवाकेन्द्रको एकाईगत साधारण सम्पन्न भएको छ । दहीझोडा समूह नं. १३ की अध्यक्ष खगेन्द्रमाया खनालको अध्यक्षता एवम् कनकाई वडा नं. ४ का वडाध्यक्ष रोशन सुवेदीको प्रमुख आतिथ्यमा इकाइगत सभा सम्पन्न भएको हो ।

इकाइगत सभामा अध्यक्षको प्रतिवदन संस्थाका वरिष्ठ उपाध्यक्ष हरिप्रसाद निरौलाले गरेका थिए भने संस्थाको नीति कार्यक्रम ऋण शाखा सदस्य नारायणप्रसाद काफ्ले र लेखापरीक्षणको प्रतिवेदन विर्ताबजार सेवा केन्द्र प्रमुख लोकेश भट्टराईले प्रस्तुत गर्नुभएको गरेको कार्यक्रमको सञ्चालन दुर्गापुर सेवा केन्द्रका प्रमुख जीवन सुवेदीले गरेका थिए ।

The post सहारा नेपाल साकोसको शेयर पुँजी १ अर्ब ६७ करोड नाग्यो appeared first on Jhapa Online.