चिन्मय कृष्ण दासको जमानत याचिका खारेज

काठमाडौं । बङ्गलादेशका हिन्दू समुदायका चर्चित अनुहार र इस्कॉन मन्दिरसँग सम्बद्ध चिन्मय कृष्ण दासको जमानतको निवेदन खारेज भएको छ ।

चटगाउँको एक स्थानीय अदालतले निवेदन खारेज गरेको बीबीसी बङ्गलाले जनाएको छ ।

दासविरुद्ध बङ्गलादेश दण्ड संहिताको धारा १२० (बी), १२४ (ए), १५३ (ए), १०९ र ३४ अन्तर्गत देशद्रोहको मुद्दा दर्ता गरिएको छ ।

उनीमाथि २५ अक्टोबरमा चटगाउँको न्यू मार्केट क्षेत्रमा बङ्गलादेशको राष्ट्रिय झण्डाको अपमान गरेको आरोप छ । शेख हसिना सरकारको पतनपछि अल्पसङ्ख्यकमाथि आक्रमण बढेको आरोप लगाइएको छ ।

दासले अल्पसङ्ख्यकमाथि भएको कथित आक्रमणको विरोधमा धेरै प्रदर्शनमा भाग लिएका थिए ।

को हुन् चिन्मय कृष्ण दास ? जसको आवाज दबाउन देशद्रोहको आरोपमा जेल पठाइयो