महाराजगन्ज चिकित्सा क्याम्पसका निमित्त प्रमुख उप्रेतीले दिए राजीनामा 

काठमाडौँ। 

महाराजगन्ज चिकित्सा क्याम्पसका निमित्त क्याम्पस प्रमुख प्रा डा सुरेश उप्रेतीले पदबाट राजीनामा दिएका छन् । चिकित्सा शास्त्र अध्ययन संस्थानले  महाराजगन्ज चिकित्सा क्याम्पसको क्याम्पस प्रमुखको आवेदन माग गरेकै समयमा उनले राजीनामा दिएका हुन्। 

 विद्यार्थीहरूले दबाब दिएपछि  उनले राजीनामा दिएको र अब उक्त जिम्मेवारीमा नफर्किने बाचासमेत उनले गरेको विद्यार्थीहरूले बताएका छन् ।

यस अघि सहायक क्याम्पस प्रमुख तथा विभागीय प्रमुख रहेका बेला उनले हाडजोर्नि विषयमा चौथो वर्ष अध्ययनरत विद्यार्थीलाई  राम्रो नम्बर ल्याउँदा पनि  प्रयोगात्मक परीक्षामा फेल गराएको आरोप  विद्यार्थीहरूले उनीमाथि लगाएका छन्।