आहा रारा गोल्डकपको उद्घाटन खेलमा पुलिसले सहारा क्लबलाई हरायो

काठमाडौं । आहा रारा पोखरा गोल्डकप फुटबल प्रतियोगिताको उद्घाटन खेलमा नेपाल पुलिस क्लबले आयोजक सहारा क्लबलाई पराजित गरेको छ ।

पोखरा रङ्गशालामा मङ्गलबार भएको उद्घाटन खेलमा पुलिसले सहारा क्लबलाई १–० गोलअन्तरले पराजित गरेको हो ।

पुलिसका लागि उज्वल राईले ३६ औं मिनेटमा कर्नरबाट गरेको गोल नै जितका लागि पर्याप्त भयो ।

यस प्रतियोगितामा कुल १२ टोलीबीच प्रतिस्पर्धा हुनेछ । ३ विदेशी टोली रहेका छन् । प्रतियोगिताको फाइनल फागुन ३ मा हुनेछ।

उपाधि विजेताले १२ लाख १ हजार र उपविजेताले ६ लाख १ हजार रुपैयाँ पुरस्कार पाउने छन् । गत संस्करणमा त्रिभुवन आर्मी क्लबले उपाधि जितेको थियो ।