सम्बन्ध बलियो बनाउने पाँच मन्त्र

काठमाडौं । माया यस्तो भावना हो, जसले जीवनलाई सुन्दर बनाउँछ ।

तर, के माया मात्र कुनै सम्बन्धलाई सफल बनाउन पर्याप्त छ ? कुनै पनि सम्बन्धलाई सफल बनाउन मायाको साथसाथै अर्को कुराको पनि आवश्यकता पर्दछ, जसले सम्बन्धलाई गहिराइ र स्थिरता दिन्छ, त्यो हो – परिपक्वता ।

परिपक्वता बिनाको माया अधुरो हुनसक्छ र सम्बन्धमा तनाव र झगडा उत्पन्न हुन सक्छ । आउनुहोस्, जानौँ कि कसरी ५ सङ्केतबाट तपाईं आफ्नो सम्बन्धमा परिपक्वताको पहिचान गर्न सक्नुहुन्छ ?

कुराकानीमा इमानदारिता र खुलापन

कुनै पनि सम्बन्धको जग संवादमा टिकेको हुन्छ । यदि सम्बन्धमा दुवै साथीहरूले एक–अर्कासँग खुलेर कुरा गर्छन्, आफ्ना भावनाहरू, चाहनाहरू र डरहरू साझा गर्छन् भने यो सम्बन्धमा परिपक्वताको सङ्केत हो ।

परिपक्व सम्बन्धमा झुट, लुकाई वा देखावटको लागि कुनै ठाउँ हुँदैन । दुवै साथीहरूले एक–अर्काको कुराहरूलाई गम्भीरतापूर्वक सुन्छन् र सम्मान गर्छन् ।

यदि तपाईं र तपाईंको साथीले कुनै पनि विषयमा बिना हिचकिचाहट कुरा गर्न सक्नुहुन्छ भने यसले तपाईंको सम्बन्धको परिपक्वतालाई देखाउँछ ।

एक–अर्काको गल्तीलाई माफ गर्ने

गल्ती जो कुनै व्यक्तिबाट पनि हुन सक्छ । हरेक सम्बन्धमा कहिलेकाहीँ मतभेद हुन्छ र गल्ती हुन्छ । तर, परिपक्व सम्बन्धमा दुवै साथीहरूले एक–अर्काको गल्तीहरूलाई माफ गर्ने क्षमता राख्छन् ।

उनीहरूले बुझ्छन् कि गल्तीहरू मानवीय स्वभावको हिस्सा हुन् र तिनलाई सुधार्न सकिन्छ ।

यदि तपाईं र तपाईंको साथीले गल्तीहरूको लागि एक–अर्कामाथि रिसाउनुको सट्टा समझदारीपूर्वक व्यवहार गर्नुहुन्छ भने यसले तपाईंको सम्बन्धको परिपक्वतालाई देखाउँछ ।

एक–अर्काको स्वतन्त्रतालाई बुझ्ने

परिपक्व सम्बन्धमा दुवै साथीहरूले एक–अर्काको स्वतन्त्रता र व्यक्तिगत स्थानको सम्मान गर्छन् । उनीहरूले बुझ्छन् कि हरेक व्यक्तिको आफ्नै जीवन, आफ्नै सपनाहरू र आफ्नै रुचि–अरुचि हुन्छ ।

सम्बन्धमा परिपक्वता त्यति बेला देखिन्छ, जब तपाईं आफ्नो साथीलाई उसको रुचिको काम गर्ने स्वतन्त्रता दिनुहुन्छ, उसमाथि शङ्का नगरी वा उसलाई नियन्त्रण गर्ने प्रयास नगरी ।

यदि तपाईं र तपाईंको साथीले एक–अर्काको स्वतन्त्रताको सम्मान गर्नुहुन्छ भने यसले तपाईंको सम्बन्धमा परिपक्वताको प्रमाण दिन्छ ।

समस्याको सामना मिलेर गर्ने

जीवनमा उतार–चढावहरू आइरहन्छन् र हरेक सम्बन्धमा कहिलेकाहीँ कठिन समय आउँछ । परिपक्व सम्बन्धमा दुवै साथीहरूले समस्याहरूको सामना मिलेर गर्छन् । उनीहरूले एक–अर्काको साथ दिन्छन् र कठिन परिस्थितिहरूमा पनि एकजुट रहन्छन् ।

यदि तपाईं र तपाईंको साथीले कुनै पनि समस्याको लागि एक–अर्कालाई दोष दिनुको सट्टा मिलेर त्यसको समाधान खोज्नुहुन्छ भने बुझ्नुहोस् कि तपाईं पनि कुनै परिपक्व साथीसँगको सम्बन्धमा हुनुहुन्छ ।

भविष्यको योजनामा एक–अर्कालाई समावेश गर्ने

परिपक्व सम्बन्धमा दुवै साथीहरूले आजको लागि मात्र होइन भविष्यको योजनाहरूमा पनि एक–अर्कालाई समावेश गर्छन् । उनीहरूले एक–अर्काको सपनाहरू र लक्ष्यहरूलाई बुझ्छन् र तिनलाई पूरा गर्न साथ दिन्छन् ।

यदि तपाईं र तपाईंको साथीले भविष्यको योजनाहरूको बारेमा एक–अर्कासँग खुलेर कुरा गर्नुहुन्छ र एक–अर्कालाई आफ्नो सपनाहरूमा समावेश गर्नुहुन्छ भने यो कुराले परिपक्व सम्बन्धको सङ्केत दिन्छ ।