लागुऔषधसहित नौ जनालाई पक्राउ

झापा, १४ फागुन । झापा, मोरङ, सुनसरी र उदयपुरको विभिन्न स्थानहरुबाट प्रतिबन्धित लागूऔषध सहित प्रहरीले ९ जनालाई पक्राउ गरेको छ ।

फागुन १३ गते दिउँसो लागुऔषध नियन्त्रण ब्यूरो बिराटनगरबाट खटिएको प्रहरी टोलीले चेकजाँचको क्रममा विराटनगर महानगरपालिका–१५ स्थितबाट भारतबाट नेपालतर्फ आउँदै गरेका मोरङ उर्लाबारी नगरपालिका–६ का ३२ वर्षीय सन्नी लामाको साथबाट ८ ग्राम ४१० मिलिग्राम ब्राउनसुगर र मोरङ सुनवर्षी नगरपालिका–१ का २२ वर्षीय सनम तामाङको साथबाट १ ग्राम ४४० मिलिग्राम र पथरी शनिश्चरे नगरपालिका–६ का २२ बर्षीय अनिल राईको साथबाट २ ग्राम १४० मिलिग्राम ब्राउन सुगर सहित पक्राउ गरिएको छ ।

यसैगरी, फागुन १३ गते झापाको दमक नगरपालिका–६ स्थितबाट इलाका प्रहरी कार्यालय दमकबाट खटिएको प्रहरी टोलीले पाचँथर मिक्लाजुङ गाँउपालिका–५ का २६ वर्षीय विशाल भुजेललाई ट्रमाडोल १४० क्याप्सुल, स्पासेन १४० चक्कीसहित पक्राउ गरिएको छ ।

त्यसैगरी, फागुन १३ गते राति झापा मेचीनगर नगरपालिका–५ स्थितबाट इलाका प्रहरी कार्यालय काँकरभिट्टा र इलाका प्रहरी कार्यालय नकलबन्दा झापाबाट खटिएको प्रहरी टोलीले स्थानीय ५२ वर्षीयदेवी प्रसाद बुढाथोकीलाई ५६० ग्राम गाजाँसहित पक्राउ गरेको छ ।

यसैगरी, फागुन १३ गते राति सुनसरी धरान उप महानगरपालिका–२ स्थितबाट वडा प्रहरी कार्यालय धरानबाट खटिएको प्रहरी टोलिले धरान उपमहानगरपालिका–१५ का २६ वर्षीय गणेश राई, २५ वर्षीया भीमकुमारी विश्वकर्मा र ३० वर्षीय आशिष खातीलाई ट्रमानिल ११ सय ९४ क्याप्सुल, स्पासपेन १४ सय ९० ट्याब्लेट, स्पासरेष्ट ७, डेकोलिक ११ सय ७५ र मेडोमोल ८ चक्की प्रतिबन्धित औषधिसहित पक्राउ गरिएको हो ।

फागुन १३ गते साँझ जिल्ला प्रहरी कार्यालय उदयपुरबाट खटिएको प्रहरी टोलिले उदयपुरको त्रियुगा नगरपालिका–१० स्थितबाट उदयपुर नगरपालिका–१२ का १९ वर्षीय दिलिप घिमिरेको साथबाट डाइजेपाम ६, फेनार्गन ६, आईपिपिएल ६ गरी १८ एम्पुलसहित पक्राउ गरिएको छ । प्रतिबन्धित लागुऔषधसहित पक्राउ परेको उनीहरुको थप अनुसन्धान भइरहेको छ ।

The post लागुऔषधसहित नौ जनालाई पक्राउ appeared first on Jhapa Online.