झापामा मिडास कम्पनीको रबरद्वारा टायरको हट रिसोलिङ, माग बढ्दै

झापा, १६ फागुन । भारतको केरेलाको मिडास कम्पनीको उत्पादित रबरद्वारा रिसोलिङ गरिएको टायरको माग बढेको छ ।

झापाको बिर्तामोड–६ स्थित बुट्टाबारीमा अत्याधुनिक प्रविधिबाट मिडास कम्पनीको रबरद्वारा टायरको हट रिसोलिङ सेवा सुचारु भएसँगै अहिले माग बढेको जनाइएको छ ।

शिवशक्ति टायर रिसोलिङ उद्योगले भारतको केरेलाबाट मिडास कम्पनीको रबर नेपालमै पहिलो पटक ल्याएर हट रिसोलिङ सेवा सुचारु गरेको बताउंदै अहिले माग धान्नै गाह्रो भएको जनाएको हो ।

शिवशक्तिले गत महिना असोज १ गतेबाट नेपालमै पहिलो पटक झापाको बिर्तामोडमा हट रिसोलिङ सेवा शुभारम्भ गरेको सञ्चालक गौरी भण्डारीले जानकारी दिए ।

टायरको हट रिसोलिङ सेवाले गाडी व्यवसायीलाई फाइदा पुगेको छ । रिसोलिङ गरेको टायर नयाँजत्तिकै बलियो तथा टिकाउ हुने हुँदा व्यवसायीलाई आर्थिक भारसमेत कम पर्न जाने सञ्चालक गौरी बताउंछन् ।

शिबशक्तिले धेरै बर्ष पहिलादेखि नै कोल्ड रबर रिसोलिङ सेवा भने दिँदै आएको थियो । नयाँ टायर खरिद गर्नुभन्दा मिडास कम्पनीको रबर मेशिनद्धारा रिसोलिङ गर्दा धेरै नै सस्तो पर्न जाने शिबशक्तिका व्यवस्थापक युवराज नेपालले बताए ।

नयाँ टायर खरिद गर्नुभन्दा यो कम्पनीको रबर लगाएर टायर रिसोलिङ गर्दा कम्तीमा पनि ५० प्रतिशत खर्च कम आउने हुंदा यसको माग बढेको व्यवस्थापक नेपाल बताउंछन् ।

The post झापामा मिडास कम्पनीको रबरद्वारा टायरको हट रिसोलिङ, माग बढ्दै appeared first on Jhapa Online.