दक्षिण अफ्रिका र इङ्ल्यान्डबीचको खेल वर्षाले रद्द भए कुन टोली सेमिफाइनलमा पुग्ला ?

काठमाडौं । च्याम्पियन्स ट्रफीको एक अत्यन्तै महत्त्वपूर्ण खेलमा इङ्ग्ल्याण्डले दक्षिण अफ्रिकाको सामना गर्दैछ ।

अफगानिस्तान टोलीले पनि यो खेलमा नजर राख्नेछ । किनभने तीन टोली सेमिफाइनलका लागि छनोट भइसकेका छन् भने एक स्थान अझै खाली छ । जसको लागि दक्षिण अफ्रिका र अफगानिस्तानबीच प्रतिस्पर्धा छ ।

च्याम्पियन्स ट्रफीका धेरै खेल वर्षाले बिगारेको छ । यस्तो अवस्थामा यदि आज इङ्गल्याण्ड र दक्षिण अफ्रिका बीचको खेलमा पानी पर्‍यो भने समीकरणमा के परिवर्तन हुन्छ भनेर जान्न महत्त्वपूर्ण छ ।

शुक्रबार भएको अष्ट्रेलिया र अफगानिस्तानबीचको खेलमा पनि वर्षाले खेल बिगारेको थियो, जसका कारण समूह ‘बी’को सेमिफाइनल खेल अझै अनिर्णित छ ।

इङ्ल्यान्ड र दक्षिण अफ्रिकाबीचको आजको खेलमा वर्षा खलनायक बन्यो भने अफगानिस्तानको लागि नराम्रो हुनेछ किनभने यदि खेल वर्षाले बिगार्‍यो भने दक्षिण अफ्रिकाले एक अङ्क पाउनेछ र ४ अङ्कसहित समूह ‘बी’को शीर्ष स्थानमा पुग्नेछ । यसले गर्दा अफगानिस्तान टोली बाहिरिनेछ र दक्षिण अफ्रिकाले सेमिफाइनलको टिकट पाउनेछ ।

समूह ‘बी’मा दक्षिण अफ्रिकाको रन रेट हाल सबैभन्दा राम्रो छ । यस्तो अवस्थामा आजको खेलमा पानी पर्ने खतरा रहे पनि दक्षिण अफ्रिकी टोलीलाई कुनै समस्या पर्नेछैन । उनीहरू सजिलै समूहको शीर्ष स्थानमा रहनेछन् र अस्ट्रेलिया दोस्रो स्थानमा रहनेछ । आजको खेलमा दक्षिण अफ्रिकाले एउटै कुरा मनमा राख्नुपर्नेछ कि इङ्ल्यान्डसँग २०७ रनको अन्तरले हार्नु हुँदैन ।

अर्कोतर्फ यदि इङ्ल्यान्ड दोस्रो इनिङ्समा खेल्न आयो भने उनीहरूलाई ११.१ ओभरमा लक्ष्य पछ्याउनबाट रोक्नुपर्नेछ । यी दुई अवस्थामा मात्र दक्षिण अफ्रिकी टोली प्रतियोगिताबाट बाहिरिनसक्छ, अन्यथा अफगानिस्तान बाहिरिने निश्चित छ ।

शनिबार कराँचीको मौसमको कुरा गर्दा, दिनभरि घाम लाग्नेछ र पानी पर्ने सम्भावना छैन । खेलको समयमा तापक्रम २० डिग्रीको आसपास रहनेछ । यस्तो अवस्थामा खेल सम्पन्न हुने अपेक्षा गरिएको छ ।