दुर्घटनामा गम्भीर घाइते भद्रपुरका सरोज बस्नेतको मृत्यु

झापा, १३ चैत । दुर्घटनाबाट गम्भीर घाइते भई लामो समयदेखि उपचाररत भद्रपुर नगरपालिका–१० का सरोज बस्नेतको मृत्यु भएको छ । उनको शनिबार बिहान ७ः४० बजे निधन भएको हो । उनको मृत्यु भएपछि कानुनी प्रक्रिाया पुरागरी शव पोष्टमार्टम ला।ग आज प्रादेशिक अस्पताल भद्रपुरमा पठाएको छ ।

गत २०८० भदौ १३ गते राति बिर्तामोड–३ स्थित सञ्जिवनी अस्पताल अगाडि पूर्व–पश्चिम राजमार्गमा पूर्वबाट पश्चिमतर्फ जाँदै गरेको मे ५ प ५५६८ नं.को मोटरसाइकल र विपरीत दिशाबाट आउँदै गरेको प्र १–०१–०१३ प ५१४० नं. को मोटरसाइकल एकआपसमा ठक्कर खाएर दुर्घटना भएको थियो ।

उक्त दुर्घटनामा मे ५ प ५५६८ नं. मोटरसाइकल चालक कनकाई–५ का २६ वर्षीय सागर घिमिरे गम्भीर घाइते भई उपचारका लागि बीएण्डसी अस्पताल बिर्तामोड पठाएकोमा डाक्टरले तत्कालै मृत्यु घोषणा गरेको थियो ।

टाउको र हात खुट्टामा चोट लागेर गम्भिर घाइते भएका सरोज बस्नेतलाई विभिन्न अस्पतालमा उपचार गराउदाँ स्वास्थ्यमा सुधार नआई अचेत अवस्थामा रहेकामा शनिबार बिहान मृत्यु भएको थियो ।

The post दुर्घटनामा गम्भीर घाइते भद्रपुरका सरोज बस्नेतको मृत्यु appeared first on Jhapa Online.