ईयूले भन्यो – अमेरिकी करको बदला लिने ‘कडा योजना’ छ

काठमाडौं । युरोपेली सङ्घ (ईयू) प्रमुख उर्सुला भन डेर लेयनले मङ्गलबार यो हप्ता लागू हुने अमेरिकी करहरूको ‘वार्ता समाधान’ का लागि ब्लकले अझै आशा गरेको तर आवश्यक परेमा जवाफी कारबाही गर्न ‘सबै उपकरण टेबलमा रहेको’ बताएकी छन् । “हामी वार्ताका लागि खुला छौँ”, युरोपेली आयोगका प्रमुखले युरोपेली संसद्को सत्रमा भनिन्, “तर आवश्यक परेमा बदला लिने हाम्रो […]

Apr 1, 2025 - 10:38
 0
ईयूले भन्यो – अमेरिकी करको बदला लिने ‘कडा योजना’ छ

काठमाडौं । युरोपेली सङ्घ (ईयू) प्रमुख उर्सुला भन डेर लेयनले मङ्गलबार यो हप्ता लागू हुने अमेरिकी करहरूको ‘वार्ता समाधान’ का लागि ब्लकले अझै आशा गरेको तर आवश्यक परेमा जवाफी कारबाही गर्न ‘सबै उपकरण टेबलमा रहेको’ बताएकी छन् ।

“हामी वार्ताका लागि खुला छौँ”, युरोपेली आयोगका प्रमुखले युरोपेली संसद्को सत्रमा भनिन्, “तर आवश्यक परेमा बदला लिने हाम्रो बलियो योजना छ ।”

अमेरिकी राष्ट्रपति डोनाल्ड ट्रम्पले धेरै देशविरुद्ध मङ्गलबार राति जतिसक्दो चाँडो करहरूको नयाँ समूह घोषणा गर्ने तयारी गरेका छन् । यसलाई उनले कथित अनुचित व्यापार असन्तुलनलाई सुधार गर्न ‘मुक्ति दिवस’ भनेका छन् ।

“हामी भोलिको घोषणाहरूलाई हाम्रो प्रतिक्रियालाई क्यालिब्रेट गर्न सावधानीपूर्वक मूल्याङ्कन गर्नेछौँ”, भन डेर लेयनले भनिन् । उनले अर्को चरण’ मा ईयू नेताहरूसँग परामर्श गरिरहेको बताइन् ।

आयोगले २७–देश ब्लकको व्यापार नीतिको नेतृत्व गर्दछ र व्यापार युद्धबाट बच्न संयुक्त राज्य अमेरिकासँग छलफलको प्रभावकारी रहेको छ ।

“युरोपले यो विवाद सुरु गरेको छैन”, उनले भनिन्, “हाम्रो उद्देश्य वार्ताको माध्यमबाट समाधान हो । तर, निस्सन्देह यदि आवश्यक परेमा हामी हाम्रो हित, हाम्रा जनता र हाम्रा कम्पनीहरूको रक्षा गर्नेछौँ ।”

उनले प्रतिज्ञा गर्दै युरोपले ‘एकता र दृढ सङ्कल्प’ का साथ प्रतिक्रिया दिने बताए ।

ट्रम्पको आक्रामक कर रणनीतिले विश्वव्यापी व्यापार युद्धको डर बढाइरहेको छ । चीन, क्यानाडा र ईयूजस्ता प्रमुख व्यापारिक साझेदारहरूको प्रतिशोधको शृङ्खला प्रतिक्रियाको जोखिम उत्पन्न गर्दैछ ।

जनवरीमा ट्रम्प सत्तामा फर्किएपछि ईयू बिहीबारदेखि लागू हुने अटो आयातमा २५ प्रतिशत करसहित धेरै अमेरिकी कर घोषणाद्वारा प्रभावित भइसकेको छ ।

ब्लकका उत्पादकहरू विश्वभरबाट स्टिल र एल्युमिनियममा २५ प्रतिशत अमेरिकी करबाट पनि प्रभावित भएका थिए । यसमा ब्रसेल्सले अप्रिलको मध्यमा सुरु गर्ने प्रति–कारवाहीहरू पहिले नै प्रतिज्ञा गरिसकेको छ ।

What's Your Reaction?

like

dislike

love

funny

angry

sad

wow

HamroGlobalMedia तपाईं पनि हाम्रो वेबसाइट मा समाचार वा आफ्नो विचार लेख्न सक्नुहुन्छ। आजै खाता खोल्नुहोस्। https://www.hamroglobalmedia.com/register