राजनीतिमा आउने संकेत गर्दै कुलमान घिसिङले भने, ‘देश गम्भिर संकटमा छ, गर्नुपर्ने काम धेरै छन्’ 

काठमाडौँ । नेपाल विद्युत प्राधिकरणका तत्कालीन प्रमुख कार्यकारी निर्देशक कुलमान घिसिङले देश संकटमा रहेको बताएका छन् । शुक्रबार पत्रकार सम्मेलनको आयोजना गर्दै उनले देश संकटमा रहेको बताएका हुन् । 

उर्जा क्षेत्रमा राजनीतिकरण भएको हो ? भन्ने सञ्चारकर्मीको प्रश्नको जवाफ दिँदै कुलमानले अहिले देशको उर्जा मात्रै नभएर हरेक क्षेत्रमा राजनीति प्रवेश गरेको भन्दै अहिले देश गम्भिर अवस्थामा रहेको बताएका छन् । 

यद्यपि उर्जा क्षेत्रकै कारण देशले विकासतर्फ अघि बढेको दाबी गर्दै कुलमानले उर्जा क्षेत्रकै योगदानका कारण देश अँध्यारो युगबाट उज्यालो युगमा आएको बताएका छन् । 

तथापि अझै देशका धेरै क्षेत्र अँध्यारोमा रहेको कुलमानले बताएका छन् । ती क्षेत्र उज्यालो बनाउन देशको नेतृत्वले धेरै काम गर्नुपर्ने कुलमानले बताएका छन् । उनले आफूले काम गर्दागर्दै सरकारले गरेको बर्खास्तीको निर्णयप्रति आपत्ति जनाएका छन् । 

त्यस्तै, अब आफू आम सर्वसाधारणको बीचमा रहेको खबरदारी गर्ने घोषणका गरेका कुलमानले राजनीतिमा आउने संकेत समेत गरेका छन् । अब तपाईंको आगामी योजना के छ ? राजनीतिमा आउने हो ? भन्ने सञ्चारकर्मीको प्रश्नको जवाफ दिँदै कुलमानले भने, ‘छिट्टै अर्को पत्रकार सम्मेलन गरेर सबै योजनाका विषयमा जानकारी दिन्छु ।’