सुनको मूल्य तोलामा पाँच हजारभन्दा बढीले वृद्धि

काठमाडौं । मङ्गलबार नेपाली बजारमा सुनको मूल्यमा भारी वृद्धि भएको छ ।

सुनको मूल्य तोलामा पाँच हजार ३०० रुपैयाँले वृद्धि भएको नेपाल सुनचाँदी व्यवसायी महासङ्घले जनाएको छ ।

मङ्गलबार छापावाल सुन तोलामा १ लाख ८९ हजार ९०० रुपैयाँले कारोबार भइरहेको छ ।

सोमबार भने सुनको मूल्य सामान्य बढेको थियो । तोलामा ५०० रुपैयाँले बढेर १ लाख ८४ हजार ६०० मा कारोबार भएको थियो ।

यस्तै मङ्गलबार चाँदीको मूल्य पनि बढेको छ । तोलामा ५५ रुपैयाँले बढेको महासङ्घले जनाएको छ ।

चाँदी मङ्गलबार तोलामा १ हजार ९१० रुपैयाँले कारोबार भइरहेको छ ।