बिर्तामोडको गोकुल जोशी मार्गमा कालोपत्रे सुरु

बिर्तामोड, १३ जेठ । बिर्तामोड नगरपालिका वडा नम्बर २ स्थित गोकुल जोशी मार्गमा कालोपत्रे सुरु गरिएको छ ।

कछुवारी देखि दाहाल गाउँसम्मको ७ सय ५३ मिटर खण्डमा आज कालो पत्रे सुरु गरिएको हो । भोलिसम्ममा कालो पत्रे सम्पन्न गर्ने ठेक्केदार कम्पनी जय लक्ष्मी निर्माण सेवाका दिनेश मैनालीले जानकारी दिनुभयो । यस खण्डमा सडक डिभिजन कार्यालय दमकको १ करोड ६४ लाख रुपैयाँ बजेटमा सडक स्तरोनन्तिको भएको हो ।

यस मार्गमा विभिन्न ३ खण्डमा ठेक्का लागेर काम भईरहेको छ । दाहाल गाउँदेखि लालमाटी चोक पश्चिम खण्डसम्म १ किलोमिटर क्षेत्रमा कोशी प्रदेश सरकार र बिर्तामोड नगरपालिकाको २ करोड ४४ लाख रुपैयाँ समपुरक बजेटबाट काम भईरहेको छ । यस खण्डमा पनि सब वेसको काम सम्पन्न भएकोले केहिदिन भित्रमा कालो पत्रे गरिने वडाअध्यक्ष पौडेलले जानकारी दिनु भयो ।

यस्तै चारपाने(घैलाडुवा सडक खण्डदेखि पश्चिम घाग्रा पुलसम्मको १ किलोमिटर खण्डमा भौतिक योजना मन्त्रालयको ६ करोड रुपैयाँ बजेटबाट शान्ति निर्माण सेवा प्रा।लिले काम गर्दैछ । यस क्षेत्रमा अलि गहिरो भाग रहेकोले प्लम निर्माणको काम द्रुत गतिमा भईरहेकोले यो महिना भरिमा कालोपत्रेको चरणमा पुग्ने वडाअध्यक्ष पौडेलले बताउनु भयो । सडक कालो पत्रे भएसंगै स्थानीय खुशी छन् ।

बिर्तामोडमा गोकुल जोशी मार्गसंगै बुट्टाबारी-प्याकुरेल चोक सडक, हर्कलाल मार्ग, सहिद चन्द्रमार्गमा स्तरोनन्ति काम धमाधम भईरहेको छ ।

The post बिर्तामोडको गोकुल जोशी मार्गमा कालोपत्रे सुरु appeared first on Jhapa Online.