दुई सय जनालाई कम्बल वितरण

विराटनगर, १२ पुस । मोरङको बिरानटनगर महानगरपालिका–१६ स्थित दुर्गा मन्दिर परिसरमा सामुदायिक प्रहरी सेवा केन्द्र रानीको आयोजनामा न्यानो कपडा (कम्बल) वितरण गरिएको छ ।

पुस १२ गते समुदाय प्रहरी साझेदारी कार्यक्रम अन्तरगत भएको उक्त कार्यक्रममा कोशी प्रदेश प्रहरी कार्यालय विराटनगरका प्रमुख प्रहरी नायव महानिरीक्षक राजन अधिकारीको प्रमुख आतिथ्य तथा कोशी प्रदेश प्रहरी तालिम केन्द्रका समादेशक प्रहरी वरिष्ठ उपरीक्षक अबि नारायण काफ्लेको विशिष्ट आतिथ्यमा कम्बल वितरण गरिएको हो ।

इलाका प्रहरी कार्यालय रानीको सहकार्यमा सञ्चालन भएको उक्त कार्यक्रममा विराटनगर महानगरपालिको १२, १३, १४, १५, १६ र १७ नम्बर वडामा वसोवास गर्ने अल्पसंख्यक, जेष्ठ नागरिक, फरक क्षमता भएका र एकल महिला गरी दुई सय जनालाई कम्बल वितरण गरिएको छ ।

कार्यक्रममा प्रदेश प्रहरी प्रमुख राजन अधिकारीले हामी सबैले एक अर्कालाई सकेको सहयोग गर्नुपर्नेमा जोड दिनुभयो । कार्यक्रममा कोशी प्रदेश प्रहरी गण विराटनगरका प्रमुख प्रहरी उपरीक्षक प्रदिप बहादुर क्षेत्री, जिल्ला प्रहरी कार्यालय मोरङका प्रमुख प्रहरी उपरीक्षक नारायण प्रसाद चिमरिया, सामुदायिक सेवा केन्द्र रानीका अध्यक्ष किशोर सुव्वा, समित शारडा स्मृति प्रतिष्ठानका अध्यक्ष श्रीनिवास सारडा, बिराटनगर महानगरपालिका १५ र १६ का वडा अध्यक्ष, स्थानीयबासी, सञ्चारकर्मी, प्रहरी लगायतको उपस्थिति थियो ।

The post दुई सय जनालाई कम्बल वितरण appeared first on Jhapa Online.