हल्दिबारीमा ८० वर्षीय वृद्धको खोलामा डुबेर मृत्यु

हल्दिबारी, २ साउन । झापाको हल्दिवारी गाउँपालिका–५ चारघरेका ८० वर्षीय भीमबहादुर विष्टको खोलामा डुबेर मृत्यु भएको छ । स्थानीय भुतेनी खोलामा घाँस काटेर फर्किने क्रममा खोलाको डिलमा चिप्लिएर उनी पानीमा डुबेका थिए ।

आज दिउँसो करिब १२:३० बजे घटना भएको हो । मृतकको छोराले साँझ १६:२० बजे भिम बहादुरको शव खोलाबाट निकालेर किनारमा राखी कन्चनश्री प्रहरी चौकीलाई जानकारी गराएका थिए ।

घटनाको जानकारी पाएपछि जिल्ला प्रहरी कार्यालय झापाबाट प्रहरी अधिकृतको टोली घटनास्थल पुगेको थियो । आवश्यक कानुनी प्रक्रिया पूरा गरी साँझ ६:४० बजे शव पोष्टमार्टमको लागि भद्रपुरस्थित प्रादेशिक अस्पताल पठाइएको जिल्ला प्रहरी कार्यालय झापाले जनाएको छ ।

The post हल्दिबारीमा ८० वर्षीय वृद्धको खोलामा डुबेर मृत्यु appeared first on Jhapa Online.