लागुऔषधसहित छ जना पक्राउ

झापा, १० पुस । झापा, मोरङ र सुनसरीबाट लागुऔषधसहित छ जनालाई प्रहरीले पक्राउ गरेको छ ।

पुस ९ गते साँझ झापाको मेचीनगर नगरपालिका–६ स्थितबाट लागु औषध नियन्त्रण ब्यूरो काँकरभिट्टाको प्रहरी टोलीले मे ७ प ४३८८ नम्बरको मोटरसाईकलमा सवार दमक–४ का २२ वर्षीय गोपाल श्रेष्ठलाई २ ग्राम १७० मिलिग्राम लागुऔषध ब्राउन सुगरसहित र मे ३ प ९५३७ नं. को मोटरसाइकल चालक शिवसताक्षी–७का २९ वर्षीय भुवन मिश्र र पछाडी सवार ३६ वर्षिय सोमनाथ पौडेललाई ५ ग्राम लागुऔषध ब्राउन सुगर सहित नियन्त्रणमा लिएको हो ।

त्यसैगरी लागु औषध नियन्त्रण ब्यूरो विराटनगरको प्रहरी टोलीले चेक जाँचको क्रममा सुनसरी धरान–१५का ३७ बर्षीय अर्जुन राईलाई १ ग्राम १८० मिलिग्राम ब्राउन सुगर सहित सहित नियन्त्रणमा लिएको हो ।

यसैगरी, सुनसरीको हरिनगरा गाउँपालिका–७ स्थितमा इलाका प्रहरी कार्यालय देवानगञ्ज सुनसरीबाट खटिएको प्रहरी टोलीले चेकजाँचको क्रममा को १ ह २२६१ नम्बरको अटोमा ४ वटा बोरामा १०७ किलोग्राम गाँजा बरामद भएकोमा उक्त गाँजा, अटो र अटो चालक देवानगञ्ज–२ का २० वर्षिय आलम अन्सारी, सह–चालक ४४ वर्षीय मन्जुल मियालाई नियन्त्रणमा लिएको छ । लागुऔषधसहित पक्राउ परेका मानिस र सवारी साधनको वारेमा थप अनुसन्धान भइरहेको छ ।

The post लागुऔषधसहित छ जना पक्राउ appeared first on Jhapa Online.