रोजर्स इंग्ल्यान्डको टोलीमा समावेश, आठ खेलाडीले लिए नाम फिर्ता

काठमाडौं । एस्टन भिल्लाका मिडफिल्डर मोर्गन रोजर्सलाई इंग्ल्यान्डको राष्ट्रिय फुटबल टोलीमा समावेश गरिएको छ । अन्तरिम प्रशिक्षक ली काल्र्सलीले उनलाई नेसन्स लिगअन्तर्गतका खेलका लागि टोलीमा बोलाएका हुन् ।

यस्तै वेस्ट ह्यामका फरवार्ड जारोड बोवेन, इभर्टनका सेन्टर ब्याक जाराड ब्रान्थवेट, न्युक्यासलका फुल ब्याक टिनो लिभ्रामेन्टो र बर्नलीका गोलकिपर जेम्स ट्राफोर्ड पनि टोलीमा समावेश छन् ।

लेभी कोलविल, कोलो पाल्मर, डेक्लन राइस, बुकायो साका, फिल फोडेन, ज्याक ग्रिलिस, ट्रेन्ड अलेक्जान्डर आर्नोल्ड र आरोन राम्सडेलले घाइते भएर राष्ट्रिय टोलीबाट नाम फिर्ता लिएपछि अरुले अवसर पाएका हुन् ।

रोजर्सलाई इंग्ल्यान्ड यू–२१ टोलीबाट सिनियर टोलीमा पहिलो पटक समावेश गरिएको हो । २२ वर्षे यी मिडफिल्डरले युनाई एमेरीको टोली भिल्लामा यस सिजन ११ खेलमा ३ गोल र २ असिस्ट गरेका छन् ।