दार्चुलामा जीप दुर्घटना : २ भारतीयसहित ७ जनाको मृत्यु, ६ को अवस्था गम्भीर

काठमाडौं । दार्चुलामा जीप दुर्घटना हुँदा सात जनाको घटनास्थलमा नै मृत्यु भएको छ भने अन्य ६ जना गम्भीर घाइते भएका छन् ।

दार्चुलाका प्रहरी नायब उपरीक्षक प्रकाश दाहालका अनुसार मृत्यु हुनेमा दार्चुलाको शैल्यशिखर नगरपालिका–५ लेकगाउँका ३० वर्षीय वीरेन्द्र रावल, सोही ठाउँका २८ वर्षीय शान्ति रावल, शैल्यशिखर–९ नकतडका ४५ वर्षीय दिलीप विष्ट र बैतडीको डिलाशैनी–५ का १५ वर्षीय सञ्जीव बोहरा छन् ।

यस्तै दुर्घटनामा परेर दुई भारतीय नागरिकको पनि मृत्यु भएको छ । भारतको उत्तर प्रदेश विजनौर जिल्लाका ४५ वर्षीय मोहमद सफिर र सोही जिल्लाका १८ वर्षीय मोहमद बसिमको मृत्यु भएको हो । एक जनाको परिचय भने खुलेको छैन ।

दार्चुलामा जीप दुर्घटना : ६ जनाको घटनास्थलमै मृत्यु