गोरखा–५ मा १० जनाको उम्मेदवारी दर्ता

काठमाडौं । गोरखा नगरपालिका -५ को वडा  अध्यक्ष पदका लागि  १० जनाको उम्मेदवारी दर्ता भएको छ ।   मुख्य निर्वाचन अधिकृतको कार्यालयका अनुसार नेपाली कांग्रेसबाट भाइकाजी आले, नेकपा एमालेबाट दुर्गा माया थापा राना, नेकपा माओवादी केन्द्रबाट बिष्णुबहादुर मगर र राष्ट्रिय स्वतन्त्र पार्टीबाट मंगलबहादुर थापाले आइतबार उम्मेदवारी दर्ता गराएका हुन्।

यस्तै एकीकृत समाजवादीबाट खडबहादुर भुजेल, राष्ट्रिय प्रजातन्त्र पार्टीबाट कल्पना राना, नेपाल समाजवादी पार्टीबाट रुपेश मग्राती र राष्ट्रिय प्रजातन्त्र पार्टी नेपालबाट रूप सिंह रानाले उम्मेदवारी दिएका छन् ।

त्यस्तै मंगोल नेशनल अर्गनाइजेसनबाट भवानी थापा मगर र नेशनल रिपब्लिक नेपालबाट सविना तामाङले मनोनयन दर्ता गराएका छन् ।