धनगढीमा सुदूरपश्चिम रोल्यसको र्‍याली

काठमाडौं। नेपाल प्रिमियर लिग (एनपीएल) टोली सुदूरपश्चिम रोयल्सले धनगढीको चौराहदेखि रंगशालासम्म र्‍याली निकालेको छ ।

सोमबार आयोजना गरिएको र्‍यालीमा क्रिकेट प्रेमीहरुको बाक्लो सहभागिता जनाएका थिए । विभिन्न विद्यालयका विद्यार्थीहरुले पनि र्‍यालीमा सहभागिता जनाएका थिए । सहभागीले ‘सुदूरको शान, मैदानमा तुफान’ जस्ता नारा लगाएका थिए ।

सुदूरपश्चिमका मार्की खेलाडी दीपेन्द्रसिंह ऐरी, मुख्य प्रशिक्षक जगत टमाटालगायत अन्य खेलाडीको सहभागिता थियो ।

क्यानको‌ आयोजनामा ८ टोलीको सहभागितामा मंसिर १५ देखि पुस ६ गते सम्म एनपीएल हुनेछ।