हाइलक्स गाडीको ठक्करबाट एक जनाको मृत्यु

दोलखा ।

दोलखाको भीमेश्वर नगरपालिका वडा नम्बर– ६ महादेव खोलामा हाइलक्स गाडीको ठक्करबाट पैदल यात्रीको मृत्यु भएको छ ।

शुक्रवार अपरान्ह सिन्धुपाल्चोकबाट दोलखा तर्फ आउदै गरेको प्रदेश नम्बर ३, ०१–०२४ च २६०४ नम्बरको हाइलक्स गाडीले पैदलयात्री दोलखा भीमेश्वर नगरपालिका वडा नम्बर ६ चोथाङ बस्ने ५४ बर्षका ज्ञान बहादुर तमाङलाई ठक्कर दिएको थियो ।

गाडीको ठक्करबाट गम्भीर घाईते भएका तमाङको स्थानीय च्छोरोल्पा जनरल अस्पतालमा उपचारको क्रममा शुक्रवारनै मृत्युभएको जिल्ला प्रहरी कार्यालय दोलखाका प्रहरी निरीक्षक दाताराम अधिकारीले बताए ।

हाइलक्स गाडीका चालक सिन्धुपाल्चोक लिसंखुपाखर वडा नम्बर ७ का जेठा तमाङलाई नियन्त्रणमा लिई आवश्यक छानविन भै रहेको प्रहरीले जनाएको छ ।