डिस होमको नयाँ सेवा केन्द्र मुर्गियामा

काठमाडौँ । सैनामैना नगरपालिकाको मुर्गिया क्षेत्रमा डिस होमको इन्टरनेट सेवाको नयाँ शाखाको उद्घाटन भएको छ । शाखाको उद्धघाटन नगर प्रमुख फणेन्द्र प्रसाद शर्माको आतिथ्यतामा भएको हो ।

कार्यक्रममा स्थानीय जनप्रतिनिधि, डिस होमका कर्मचारीहरु तथा अन्य उल्लेखनीय व्यक्तिहरुको उपस्थिति रहेको थियो ।

नवउद्घाटित सेवा केन्द्रले सैनामैना नगरपालिकाका ग्राहकहरूलाई डिस होमका विविध सेवाहरू उपलब्ध गराउनेछ । ग्राहकहरूले शाखाबाट इन्टरनेटको नयाँ जडान, रिचार्ज, र टिभी जडान तथा रिचार्ज सेवा बुक गर्न सक्नेछन् ।

सेवा केन्द्रमार्फत अब सैनामैना क्षेत्रका स्थानीय ग्राहकहरूको आवश्यकता समाधान गर्न र गुणस्तरीय सेवा सुविधाहरू थप प्रभावकारी रूपमा प्रदान गर्न सहयोग गरिने कम्पनीले जनाएको छ ।

डिस होमको यो नयाँ शाखाले सैनामैना नगरपालिकाका नागरिकहरूलाई डिजिटल सेवा सम्बन्धी सहज पहुँच पुर्‍याउन महत्वपूर्ण योगदान पुर्‍याउने विश्वास गरिएको छ ।