मेचीपुलबाट खैरो हेरोइनसहित दुई युवा पक्राउ

झापा, ४ मंसिर । झापाको मेचीनगर नगरपालिका–६ स्थित पुरानो मेचीपुलबाट लागुऔषध खैरो हेरोइनसहित दुई युवालाई प्रहरी पक्राउ गरेको छ ।

हिजो साँझ मेचीपुलबाट लागुऔषध नियन्त्रण ब्यूरो काँकरभिट्टाबाट खटिएको प्रहरी टोलीले भारतबाट नेपालतर्फ आउदैं गरेको मे.९ प.९०३७ नम्बरको मोटरसाइकललाई रोकेर चेकजाँच गर्दा खैरो हेरोइन फेला परेको थियो ।

मोटरसाइकल चालक झापा गाउँपालिका–५ का २४ वर्षीय देबेन्द्र चौधरी र पछाडी सवार जिल्ला झापा बिर्तामोड–५ का ३५ वर्षीय सुरेश श्रेष्ठलाई शंका लागी चेकजाँच गर्दा मोटरसाइकलको हेडलाइटको पछाडी वायरिङ जडान भएको भागमा लुकाई छिपाई ल्याउँदै गरेको खैरो हेरोइन प्लाष्टिक बाहेक १ ग्राम फेला परेकोले उनीहरुलाई मोटरसाइकलसहित नियन्त्रणमा लिई इलाका प्रहरी कार्यालय काँकरभिट्टामा राखि थप अनुसन्धान भइरहेको जिल्ला प्रहरी कार्यालय झापाले जनाएको छ ।

The post मेचीपुलबाट खैरो हेरोइनसहित दुई युवा पक्राउ appeared first on Jhapa Online.