विधानसभा चुनाव : यस्तो छ महाराष्ट्र र झारखण्डको पछिल्लो मतपरिणाम

काठमाडौं । भारतको महाराष्ट्र र झारखण्ड राज्यको विधानसभा चुनावको मतगणना जारी छ ।

२८८ विधानसभा सिट भएको महाराष्ट्रमा भाजपाको गठबन्धन महायुतीले अहिलेसम्म २४ स्थानमा जित हासिल गरिसकेको छ । २०१ सिटमा अग्रता लिइरहेको छ ।

महाविकास अघाडी गठबन्धनले १ सिट जितेको छ भने ५२ स्थानमा अगाडि रहेको छ ।

महायुतिमा बीजेपी, शिवसेना (एकनाथ शिन्दे) र एनसीपी (अजित पवार) दल समावेश छन् भने महाविकास अघाडी गठबन्धनमा कांग्रेस, शिवसेना (उद्धव ठाकरे) र एनसीपी (शरद पवार) छन् ।

लोकसभा प्रतिनिधित्वको हिसाबले महाराष्ट्र दोस्रो ठूलो राज्य हो र भारतमा विधानसभा संख्याको हिसाबले तेस्रो ठूलो राज्य हो ।

यता, झारखण्डका ८१ सिटमा पनि मतगणना जारी छ । प्रारम्भिक नतिजा अनुसार यहाँ झामुमो गठबन्धन ५६ सिटमा अगाडि छ भने भाजपा गठबन्धन २४ सिटमा अग्रस्थानमा छ ।