सुदूरपश्चिम रोयल्सका मेन्टर ब्राड हज नेपालमा

काठमाडौं । नेपाल प्रिमियर लिग (एनपीएल) टोली सुदूरपश्चिम रोयल्सका मेन्टर ब्राड हज नेपाल आइपुगेका छन् । सोमबार सुदूरपश्चिमले मेन्टर हज नेपाल पुगेको जानकारी दिएको छ ।

हजले कोलकाता नाइट राइडर्सबाट इन्डियन प्रिमियर लिग (आइपीएल)समेत खेलेका थिए । हजको आगमनलाई लिएर टोली उत्साहित रहेको सुदूरपश्चिम रोयल्सका मालिक स्वतन्त्र प्रताप शाहले बताए ।

दीपेन्द्र सिंह ऐरी मार्की खेलाडी रहेका सुदूरपश्चिमको मुख्य प्रशिक्षकमा जगत टमाटा हुन् । ओलम्पियन दीपक विष्ट ब्रान्ड एम्बासडर र केपी खनाललाई सोसियल एक्टिभिस्ट एम्बासडर छन् ।

नेपाल क्रिकेट संघ (क्यान)को आयोजनामा मंसिर १६ गते देखि एनपीएल सुरु हुनेछ ।