नेपाल शिक्षक संघका पूर्वअध्यक्ष ज्ञवालीको निधन

काठमाडौं । नेपाली कांग्रेसको शुभेच्छुक संस्था नेपाल शिक्षक संघका पूर्वअध्यक्ष मोहन ज्ञवालीको निधन भएको छ ।

दुई कार्यकाल नेपाल शिक्षक संघका नेतृत्व गरेका ज्ञवालीको ५९ वर्षको उमेरमा गतराति हृदयघातका कारण निधन भएको नेपाल शिक्षक संघका उपमहासचिव एव प्रवक्ता नारायण तिमिल्सिनाले जानकारी दिए ।

स्थायी घर गुल्मी भई कास्कीमा शिक्षक रहँदा ज्ञवाली शिक्षक संघमा आबद्ध भएका थिए । विसं २०५३ देखि २०५७ सम्म कास्की जिल्ला अध्यक्ष  भएकामा विसं २०५७ देखि २०६१ सम्म शिक्षक संघको केन्द्रीय महासचिव र विसं २०६१ देखि २०६९ सम्म दुई कार्यकाल केन्द्रीय अध्यक्ष भएका थियो ।

नेपाली कांग्रेस गुल्मीका महाधिवेशन प्रतिनिधिसमेत रहेका ज्ञवालीको शवलाई अहिले नेपाल शिक्षक संघको केन्द्रीय कार्यालय धुम्बाराहीमा श्रद्धाञ्जलीका लागि राखिएको छ । उनको आजै हिन्दू परम्पराअनुसार पशुपति आर्यघाटमा अन्त्येष्टि गरिने परिवारले जनाएको छ ।