चितवनविरुद्ध टस जितेर पहिले बलिङ गर्दै कर्णाली

काठमाडौं । नेपाल प्रिमियर लिग (एनपीएल)अन्तर्गत पहिलो खेलमा कर्णाली याक्स र चितवन राईनोजबीच प्रतिस्पर्धा भइरहेको छ । खेल कीर्तिपुरस्थित त्रिवि क्रिकेट मैदानमा बिहान ९ बजेपछि सुरु हुनेछ ।

कर्णालीका कप्तान सोमपाल कामीले टस जितेर पहिले बलिङ गर्ने निर्णय गरेका छन् ।

सुरुवाती दुई खेलमा हार ब्यहोरेको कर्णाली आज पहिलो जितको खोजीमा रहँदा चितवन अपराजित यात्रा कायम राख्ने लक्ष्यमा हुनेछ ।

कर्णाली पहिलो खेलमा जनकपुर बोल्ट्ससँग आठ विकेटले तथा दोस्रो खेलमा काठमान्डुसँग तीन विकेटले हारेको थियो ।

यता कुशल मल्लको कप्तानीमा रहेको चितवनले सुरुवाती दुवै खेल जितेको छ । पहिलो खेलमा काठमान्डु गुर्खाजलाई पाँच विकेट र दोस्रो खेलमा पोखरा एभेन्जर्सलाई ८७ रनको फराकिलो अन्तरले हराएको चितवन आज पनि यही नतिजा दोहोर्याउन चाहन्छ ।

चर्चित भारतीय ब्याटर र पाकिस्तानी बलर नेपाली भूमिका आमने–सामने, खेल रोचक हुने अपेक्षा