‘मिस इन्टरनेसनल’को उपाधि भियतनामकी थुईलाई, सुरुआती चरणमै बाहिरियो नेपाल

काठमाडौं । यस वर्षको मिस इन्टरनेसनलको उपाधि भियतनामकी हुइन थी थान थुईले जितेकी छन् ।

जापानको टोकियोमा मंगलबार बेलुका सम्पन्न मिस इन्टरनेसनल फिनालेमा थुईले ७३ देशका सुन्दरीहरुलाई पछि पार्दै उपाधि  हात पारेकी हुन् ।  यो उपाधि भियतनामले पहिलोपटक जितेको हो ।

जापानको टोकियोमा मंगलबार बेलुका सम्पन्न मिस इन्टरनेसनल फिनालेमा नेपाल भने  सुरुआती चरणमै बाहिरियो । मिस इन्टरनेसनलमा  मिस नेपाल करुणा रावतले नेपालको प्रतिनिधित्व गरेकी थिइन् ।

बोलिभियाकी क्यामिला रोका फस्ट रनरअप, त्यसपछि स्पेनकी अल्बा पेरेज, भेनेजुएलाकी साक्रा गुरेरो र इन्डोनेसियाकी सोफी किराना शीर्ष पाँचमा पर्न सफल भए ।

यस वर्षको संस्करणको थिम मानसिक स्वास्थ्य र दिगोपन थियो ।