तपाईंको आजको राशीफल (२०८१ पुस २ गते मंगलबार)

मेष : मनमा शान्तिको अनुभूत हुनेछ। बुद्धिको उपयोग गर्नाले जटिल ठानिएको कामसमेत सम्पादन हुन सक्छ। पुरानो र बिर्सिसकेको साथीको सम्झना आउनेछ। तपाईँको लगनशीलतालाई भित्रभित्रै मन पराइएको अवस्था हुन्छ।

वृष : धार्मिक र सांस्कृतिक सभासमारोहमा सरिक हुने समय छ। प्राविधिक कार्यमा सफलता मिल्नेछ। प्रेमीको सहयोग प्राप्त हुनेछ। कसैले लगेको धन फिर्ता गर्न आउनेछन्। धार्मिक तथा महत्त्वको क्षेत्रको भ्रमण हुन सक्छ।

मिथुन : समय मध्यम खालको रहनेछ। सहयोग गर्ने र आश्वासन बाँड्नेहरू धेरै भेटिनेछन्। अध्ययन र प्राविधिक कार्यमा रुचि बढ्नेछ। कार्यक्षेत्रमा अरूले गरे भनेका कुरामा चित्त नबुझ्न सक्छ, संयमता अपनाउनु नै बुद्धिमानी हुनेछ।

कर्कट : मन कमजोर भएको अनुभूति हुनेछ। काममा अवरोध सृजना हुनसक्ने सम्भावना रहेकोले सङ्घर्षको सामना गर्नुपर्नेछ। यात्रामा सावधानी अपनाउनु पर्नेछ, साँझमा दूरदराजमा रहेका आफन्तजनसँग सम्बन्ध कायम हुनेछ।

सिंह : महत्त्वपूर्ण कामको जिम्मेवारी आइलाग्नसक्छ। पर्यटकीय भ्रमणले थप ऊर्जा प्रदान गर्नेछ। प्रेमी वा प्रेमिकाबाट सुख मिल्नेछ। एकपछि अर्को अवसर आउनाले मन प्रसन्न रहनेछ। सहयोगीको सङ्गतले फाइदा हुने काम गरिनेछ।

कन्या : आफन्तको सल्लाह, सहयोग र हौसला पाइनेछ। रमणीय र सुखद् यात्राको योग छ। सांस्कृतिक कृत्यमा रुचि बढ्नेछ। आदर्श व्यक्तिसँगको सहकार्यले नयाँ अनुभव मिल्नेछ। बोलीवचनमा भने संयमता अपनाउनु पर्नेछ।

तुला : अतिथिको रूपमा सत्कार पाइएला। अधुरो कार्यले पूर्णता पाउनेछ। यथार्थ बाहिर आउँदा कुरा काट्नेहरूको मुख बन्द हुनेछ। मनमा शान्ति मिल्नेछ। बोली वचनमा संयमता अपनाउनु बुद्धिमानी हुनेछ।

वृश्चिक : नजिकका व्यक्तिले मन दुखाउन सक्छन्। शरीरमा स्फूर्ति र उमङ्गको कमी हुनेछ। स्वास्थ्य प्रतिकूल रहन सक्छ। अतः सचेत रहनु होला। जिद्दीपनाले गर्दा काम बिग्रने डर छ। साँझमा शुभ समाचार मिल्नेछ।

धनु : पुराना साथीभाइसित भेटघाट र रमाइलो गरिनेछ। महत्त्वपूर्ण काम सम्पन्न हुनेछ। कला र प्रविधिको क्षेत्रमा उन्नति हुने देखिन्छ। हाँसखेल र मनोरञ्जनमा समय बित्नेछ। कुनै कुराले मनमा शान्ति छाउनेछ।

मकर : पारिवारिक जीवन र प्रणय सम्बन्ध सकारात्मक हुने देखिन्छ। रमाइलो यात्राको सम्भावना छ र त्यसबाट दीर्घकालिक फाइदा पुग्नेछ। गोपनीय ढङ्गले गरिएको क्रियाकलापमा सफलता पाउनुहुनेछ।

कुम्भ : हर्ष र प्रसन्नताका बीच समय व्यतीत हुनेछ। सुन्दर पहिरनले व्यक्तित्वमा निखार ल्याउनेछ। काम गर्ने जोस, जाँगर र उमङ्ग बढ्नेछ। आफन्त, सहयोगी र मित्रवर्गको सहयोगले महत्त्वपूर्ण कार्य सम्पन्न हुनेछ।

मीन : यात्रा र आतिथ्य खर्चिलो बन्नेछ। किनमेल गर्दा विशेष सावधानी अपनाउनुहोला, सामान हराउने सम्भावना छ। आफूले ठीक मानेर गरेको काममा आफैँलाई सन्तुष्टि मिल्ने छैन।

The post तपाईंको आजको राशीफल (२०८१ पुस २ गते मंगलबार) appeared first on Jhapa Online.