आजको राशीफल (२०८१ पुस ५ गते शुक्रबार)

मेष : सांस्कृतिक गतिविधिमा संलग्न हुने अवसर मिल्नेछ। वाक्चातुर्यले सङ्कल्पसिद्ध हुनेछ। प्रेम सम्बन्ध र प्रणय प्रसङ्ग फक्रनेछ। साँझमा व्यस्तता बढ्छ। स्वास्थ्यप्रति सजगता अपनाउनु होला।

वृष : भनेको कुराको विपरीत अर्थ लाग्न सक्छ। भाग्यशक्ति कमजोर भएको अनुभूति हुनेछ। नियमित खर्चसमेत बढ्ने योग छ। सामाजिक कार्यमा भने सफलता मिल्नेछ। साँझको समय प्यारो साथीसँग बित्नेछ।

मिथुन : नोकरी गर्नेका लागि सन्तोषजनक रहनेछ। स्थान परिवर्तनका विशेष योग देखिन्छन्। प्रेम र मित्रताको बन्धन कसिने बेला छ। साँझमा अनावश्यक ठाउँमा धन खर्च होला। खानपान र स्वास्थ्यप्रति सजग रहनु होला।

कर्कट : धार्मिक कार्यमा रुचि बढ्नेछ। स्वादिष्ट भोजन खान पाइनेछ। पर्यटनको क्षेत्रबाट लाभ लिन सकिनेछ। परोपकारजन्य कार्यमा लगाव बढ्ला। लोकप्रियताको अवसर प्राप्त हुनेछ। नयाँ कमको योजना समेत बन्ने देखिन्छ।

सिंह : नयाँ र शुभ समाचार सुन्न पाइएला। आँटे-ताकेको कार्यमा ढिलाइ भए पनि पूरा हुन्छ। साथीभाइसँगको भेटघाटले मन प्रफुल्ल रहनेछ। रोकिएका वैदेशिक क्षेत्रको काम अघि बढ्नेछ। प्रेम सम्बन्धको कोपिला फक्रनेछ।

कन्या : शुभचिन्तकको सुझावलाई बेवास्ता गर्दा दुःख पाइनेछ। आत्मबल बढाएर काम गरेमा असफल भइँदैन। मनमा दुबिधा उत्पन्न हुन्छ। व्यक्तिगत स्वास्थ्य र यात्राप्रति सतर्क रहनु पर्नेछ। आफन्तको साथ-सहयोग रहनेछ।

तुला : रोकिएका काम पुनः सुरु हुनेछन्। घुमघाम र भ्रमणमा दिन बित्नेछ। धार्मिक, सामाजिक र अरूको हित हुने काममा समय व्यतीत हुनेछ। मित्र र विशिष्ट व्यक्तिको सहयोग पाइनेछ। आफन्तले पनि सहयोग गर्नेछन्।

वृश्चिक : तर्क, विवाद र प्रतिस्पर्धामा पकड भएको समय छ। मनमा उत्साह हुनुका साथै बोली बिक्नेछ। कुनै न कुनै कुराले मनमा शान्ति छाउनेछ। मानसम्मान र पद प्रतिष्ठामा वृद्धि होला। मनोरञ्जनमा सहभागी भइनेछ।

धनु : अलङ्कारको प्राप्ति हुनेछ। नयाँ र शुभकार्यको चर्चा चल्नेछ। सामाजिक कामबाट प्रशंसा प्राप्त हुनेछ। चिताएको कामले तीव्रता लिनेछ। मनमा उत्साहका साथै बोली बिक्ने समय छ। नियमित खर्चमा भने बढोत्तरी हुने देखिन्छ।

मकर : आँटेको कार्यमा बाधा आउन सक्छ। केही अप्ठ्यारा परिस्थितिको सामना गर्नुपर्ला। सानो भूलका कारण अपमानित बन्न सक्नुहुन्छ। साँझमा गरेको आर्थिक कारोबारमा सफलता मिल्नेछ। वैदेशिक कार्य अघि बढ्नेछ।

कुम्भ : दिन भाग्यशाली भएर देखा पर्नेछ। नसोचेको ठाउँबाट धनागम हुनेछ। सामाजिक प्रतिष्ठा कायम राख्न लगानी गर्ने समय आएको छ। धार्मिक कार्यमा मन लगाउँदा राम्रो हुन्छ। स्वास्थ्यप्रति भने सतर्कता अपनाउनु पर्छ।

मीन : लामो समयदेखि प्रतीक्षा गरिएको काम पूरा हुनेछ। पराक्रम बढ्नुका साथै पारिवारिक सुख मिल्नेछ। परीक्षा र प्रतिस्पर्धामा सफलता मिल्नेछ। लामो समयपछि नजिकको मित्रसँग भेट हुनेछ। घुमफिरमा जाने योजना बन्न सक्छ।

The post आजको राशीफल (२०८१ पुस ५ गते शुक्रबार) appeared first on Jhapa Online.