यू–१९ महिला फुटबल : नेपाल र भुटानबीचको खेल बराबरी सकियो

काठमाडौं । यू–१९ महिला मैत्रीपूर्ण फुटबल खेलमा नेपाल र भुटानबीचको खेल बराबरीमा सकिएको छ ।

त्रिपुरेश्वरस्थित दशरथ रंगशालामा आइतबार भएको खेलमा नेपाल र भुटानबीचको खेल १–१ गोलको बराबरीमा सकिएको हो ।

नेपालका लागि सुशिला केसीले गोल गरिन् । भुटानका लागि भने फुन्सो छोदेनले गोल फर्काइन् ।

दोस्रो हाफमा नेपालका लागि ४८ औं मिनेटमा सुसिला केसीले गोल गरिन् । यससँगै खेलमा नेपालले अग्रता लिएको थियो ।

८० औं मिनेटमा भुटानका लागि फुन्सो छोदेनले गोल गर्दै खेललाई १–१ गोलको बराबरीमा पूर्याइन् ।

पहिलो हाफमा नेपाल र भुटानले गोलरहित बराबरीमा सकिएको थियो ।

यसअघि, यू–१६ को मैत्रीपूर्ण खेलमा भुटानले नेपाललाई ५–१ ले पराजित गरेको थियो ।