अभिनेता अल्लु अर्जुन प्रहरी चौकीमा उपस्थित

काठमाडौं । फिल्म अभिनेता अल्लु अर्जुन मङ्गलबार हैदराबादको चिक्कडपल्ली प्रहरी चौकी पुगेका छन् ।

सन्ध्या थिएटर घटनाको सम्बन्धमा हैदराबाद प्रहरीले उनलाई सोधपुछका लागि बोलाएको हो ।

यो मामला अल्लु अर्जुनको फिल्म ‘पुष्पा–२ : द रुल’ को प्रदर्शनका क्रममा भागदौड हुँदा एक महिलाको मृत्युको हो ।

अल्लु अर्जुनको घरबाहिर पनि सुरक्षा बढाइएको छ । प्रदर्शनकारी आइतबार उनको घरबाहिर पुगेका थिए । उनको घरमा राखिएको भाँडा र अन्य सामान तोडफोड गरिएको थियो ।

यस घटनाको तेलंगानाका मुख्यमन्त्री रेवन्त रेड्डीले निन्दा गरेका छन्।