इन्डोनेसियाले अन्तर्राष्ट्रिय कार्बन व्यापार सुरु गर्ने

जकार्ता । इन्डोनेसियाली सरकारले जनवरी २० मा आफ्नो पहिलो विदेशी कार्बन व्यापार सुरु गर्ने तयारी गरेको देशको वन तथा वातावरण मन्त्रालयले जनाएको छ ।

मन्त्रालयले विदेशी कार्बन व्यापार इन्डोनेसियाली कार्बन एक्सचेन्ज मार्फत गरिने जनाएको छ । जलवायु लक्ष्यहरू प्राप्त गर्न इन्डोनेसियाको प्रयासहरूको भागको रूपमा धेरै रणनीतिक ऊर्जा परियोजनाहरू समावेश हुने एक विज्ञप्तिमार्फत जानकारी गराएको छ ।

वन तथा वातावरण मन्त्री हनिफ फैसोल नुरोफिकले राष्ट्रिय रजिस्ट्री प्रणालीलाई अप्टिमाइजेसनका साथै पूर्वाधार र अन्य उपकरणको तयारी गरी प्रक्षेपण गरिने बताए ।

मन्त्रीले राष्ट्रिय निर्धारित योगदान कागजातमा उल्लेख गरिए अनुसार इन्डोनेसियाको जलवायु लक्ष्यहरू पूरा गर्ने उद्देश्यले कार्बन व्यापार गर्ने कुरा सुनिश्चित गरे ।

इन्डोनेसियाले आफ्नो प्रयासबाट ३१.८९ प्रतिशतले उत्सर्जन घटाउने र सन् २०३० सम्ममा अन्तर्राष्ट्रिय सहयोगमा ४३.२० प्रतिशतले कार्बन उत्सर्जन घटाउने लक्ष्य राखेको छ ।