मौसमका कारण जय ट्रफीको फाइनल खेल प्रभावित, टस हुन सकेन

काठमाडौं । जय ट्रफी एलिट कप क्रिकेटको नेपाल पुलिस क्लब र त्रिभुवन आर्मी क्लबबीचको फाइनल खेल खराब मौसमका कारण प्रभावित भएको छ ।

वीरगञ्जस्थित नारायणी क्रिकेट मैदानमा मङ्गलबार बिहान साढे ९ बजेदेखि सुरु हुनुपर्ने खेल अहिलेसम्म सुरु हुन सकेको छैन ।

मौसम खराब भएका कारण खेलको टससमेत हुन सकेको छैन । फाइनल खेल ३ दिन खेलाइने तय भएको छ।

लिग चरणका खेलहरु २ दिवसीय फर्म्याटमा खेलाइएको थियो ।

लिग चरण सकिँदा ६६ अङ्कसहित शीर्ष स्थानमा रहँदै पुलिस र ५५ अङ्कसहित दोस्रो स्थानमा रहँदै आर्मी फाइनलमा पुगेका थिए ।