लन्चअघि आर्मी ४६ रनले पछाडि, भीमको अर्धशतक

काठमाडौं । जय ट्रफी एलिट कप क्रिकेटको फाइनलमा दोस्रो दिनको लन्चअघि नेपाल पुलिस क्लबविरुद्ध त्रिभुवन आर्मी क्लब ४६ रनले पछाडि छ ।

वीरगञ्जस्थित नारायणी क्रिकेट मैदानमा आफ्नो पहिलो इनिङ्समा आर्मीले १७ ओभरमा ३ विकेटको क्षतिमा ८७ रन बनाएको छ ।

आर्मीका लागि भीम सार्कीले अर्धशतक बनाएर खेलिरहेका छन् । ५ चौका र ३ छक्का प्रहार गर्दै भीम ५१ रनमा अविजित छन् ।

पुलिसका लागि सागर ढकालले ३ विकेट लिए । उनले एकै ओभरमा २ विकेट लिएका थिए ।

सागरले १.३ ओभरमा त्रित राज दासलाई ८ रनमा आउट गरे । १.६ ओभरमा उनले सन्तोष कार्कीलाई शून्यमा आउट गरे ।

९.५ ओभरमा इमरान शेखलाई १० रनमा आउट गरे ।

आर्मीविरुद्ध पुलिसको सामान्य योगफल, आलमले लिए ७ विकेट

यसअघि पुलिसले ३६.४ ओभरमा ९ विकेटको क्षतिमा १३३ रन बनाउँदै इनिङ्स डिक्लेर गरेको थियो ।