बीपी राजमार्गमा माइक्रोबस दुर्घटना : एक जनाको मृत्यु

काठमाडौं । बीपी राजमार्गमा माइक्रोबस दुर्घटना हुँदा एक जनाको मृत्यु भएको छ । धनुषाको जनकपुर उपमहानगरपालिका वडा नम्बर १० का ५० वर्षीय निर्मल गुप्ताको मृत्यु भएको हो ।

सिन्धुलीको सुनकोशी गाउँपालिका वडा नम्बर–६ स्थित कानढुंग्रीमा जनकपुर जाँदै गरेको बा ३ ख ८४४५ नम्बरको माइक्रो बस बिहीबार साँझ दुर्घटना भएको थियो ।

जिल्ला प्रहरी कार्यालय सिन्धुलीका अनुसार सो दुर्घटनामा १२ जना घाइते भएका छन् ।

दुर्घटनामा घाइते भएका ६ जनाको धुलिखेल अस्पतालमा उपचार भइरहेको छ । अरु ६ जना घाइतेलाई उपचारका लागि काठमाडौं पठाइएको सिन्धुली प्रहरीले जनाएको छ ।

प्रहरीले माइक्रोबसका चालक ३२ वर्षीय सञ्जयकुमार महतोलाई नियन्त्रणमा लिएको छ ।