लक्ष्मी सनराइज बैंकको खुद नाफा सामान्य बढ्यो

काठमाडौँ । लक्ष्मी सनराइज बैंकको नाफा सामान्य बढेको छ । बैंकले प्रकाशित गरेको चालु आर्थिक वर्षको दोस्रो त्रैमाससम्मको अपरिस्कृत वित्तीय विवरण अनुसार बैंकको नाफा १.७१ प्रतिशतले बढेको हो ।

यसअवधिमा (पुष मसान्तसम्म) बैंकले कुल १ अर्ब १६ करोड २० लाख रुपैयाँ खुद नाफा कमाएको छ । जबकी बैंकले गत आर्थिक वर्षको सोही अवधिमा १ अर्ब ५ करोड ९२ लाख रुपैयाँ खुद नाफा कमाएको थियो ।

समीक्षा अवीधमा बैंकको खुद ब्याज आम्दानी ८.२७ प्रतिशतले घटेको छ भने खुद फि तथा कमिसन आम्दानी १२.२८ प्रतिशतले बढेको छ । त्यस्तै, यस अवधिमा बैंकको इम्पेयरमेन्ट चार्ज पनि २ अर्ब ७३ करोड २६ लाख रुपैयाँबाट घटेर १ अर्ब ९२ करोड ९२ लाख रुपैयाँमा झरेको छ । यही कारण चालु आर्थिक वर्षको दोस्रो त्रैमासमा बैंकको नाफा बढेको हो । 

नाफासँगै समीक्षा अवधिमा बैंकको प्रतिसेयर आम्दानी (ईपीएस) पनि सामान्य बढेको छ । यस अवधिमा बैंकको यस्तो आम्दानी ४१ पैसाले बढेर ९ रुपैयाँ ५५ पैसा पुगेको छ । बैंकको प्रतिसेयर नेटवर्थ १७२ रुपैयाँ ५० पैसा छ भने न्यूनतम मूल्य आम्दानी अनुपात २२.२२ गुणा रहेको छ । 

पुष मसान्तसम्म बैंकको वितरणयोग्य मुनाफा ३६ करोड ८५ लाख रुपैयाँ रहेको छ । कुल २४ अर्ब ३४ करोड ६५ लाख रुपैयाँ चुक्ता पुँजी रहेको बैंकको जगेडा कोषमा १७ अर्ब ६५ करोड १३ लाख रुपैयाँ रहेको छ ।