क्षेत्रज्ञ विद्यापीठमा ६० जनाद्वारा रक्तदान

काठमाडौं ।

रक्तदान जीवनदान भन्ने मूल नाराका साथ क्षेत्रज्ञ विद्यापीठ स्कुल र लायन्स क्लब इन्टरनेसनल अग्रानीको सहयोगमा शनिवार आफ्नै प्राङ्गण बाफलमा रक्तदान कार्यक्रम सम्पन्न भएको छ।

सो रक्तदान कार्यक्रममा ६० रक्तदाताहरूले रक्तदान गर्नुभएको थियो भने रक्तदाताहरूलाई प्राचार्य नन्दलाल सुवेदी र अध्यक्ष शिवकुमार श्रेष्ठले प्रमाणपत्र वितरण गर्नुभएको थियो।

सोही कार्यक्रममा कक्षा १ देखि १० कक्षासम्मका विद्यार्थीहरूले बनाइएका विभिन्न सामग्रीहरू प्रदर्शनीमा राखिएको थियो । प्राचार्य सुवेदीले विद्यार्थीहरूलाई शुभकामना व्यक्त गर्नुभयो।