न्यु डायमण्ड टाइगर कपको दोस्रो क्वालिफायरमा

काठमाडौं । टिप टप न्यु डायमण्ड टाइगर कप भलिबलको महिलातर्फ दोस्रो क्वालिफायरमा पुगेको छ ।

पोखरा रङ्गशालास्थित भलिबल कोर्टमा बिहीबार भएको एलिमिनेटर खेलमा न्यु डायमण्डले पुलिसलाई ३–० को सोझो सेटमा पराजित गरेको हो ।

न्यु डायमन्डले पुलिसलाई पहिलो सेटमा २५–२२, दोस्रोमा २५–१४ र तेस्रोमा २५–२१ ले हरायो । यसअघि न्यू डायमण्डले लिग चरणमा पनि पुलिसलाई पराजित गरेको थियो ।

पुलिस ‘हार्ने समूह’बाट शीर्ष स्थान र न्यु डायमण्ड ‘जित्ने समूह’बाट तेस्रो स्थानमा रहँदै एलिमिनेटरमा प्रवेश गरेको थियो ।

न्यु डायमण्डले अब फाइनल प्रवेशका लागि एपीएफ र आयोजक टाइगर ग्रुपबीचको खेलमा पराजित हुने टोलीसँग प्रतिस्पर्धा गर्नेछ ।