आधुनिक ईभीमा एअरब्याग, कसरी र कहिले सक्रिय हुन्छ ?

काठमाडौं । जीएसी विश्वभर उच्च गुणस्तरको सवारीसाधन उत्पादन गर्ने कम्पनीको रूपमा परिचित छ । यो विश्वको तेस्रो ठूलो ईभी निर्माता पनि हो ।

यसको गुणस्तरको प्रमाणका रूपमा टोयोटा र होन्डाले चिनियाँ बजारका लागि आफ्ना सम्पूर्ण मोडेल जीएसीमार्फत निर्माण गरिरहेको छ । हालै टोयोटाले आफ्नो नयाँ विद्युतीय एसयूभी, बीजेटथ्रीएक्स सार्वजनिक गरेको छ, जुन पूर्णरूपमा जीएसीद्वारा निर्मित गरिएको छ ।

एअरब्यागको सक्रियता सवारीसाधनको महत्त्वपूर्ण सुरक्षात्मक प्रणाली हो, जसले दुर्घटनाको समयमा यात्रुहरूको सुरक्षा प्रदान गर्छ । एअरब्यागको सक्रियता विभिन्न कारकहरूमा निर्भर गर्दछ, जस्तै सवारीको गति, ठक्करको कोण, बाधा प्रकार र दुर्घटनाको गम्भीरता । सवारीसाधनको मापदण्डअनुसार एअरब्याग मुख्य रूपमा मध्यमदेखि गम्भीर स्तरका अगाडि हुने ठक्करमा मात्र सक्रिय हुन्छ, जहाँ यात्रुहरूको सुरक्षा आवश्यक हुन्छ ।

केही विशेष अवस्थामा जस्तै सङ्कुचित वस्तुहरू (जस्तै पोल वा रूख) सँग ठक्कर, पछाडिबाट ठक्कर, गाडी पल्टिने घटना वा सानो स्तरका ठक्करमा सवारीसाधनका सेन्सरले एअरब्यागको सक्रियता आवश्यक नरहेको ठान्न सक्छन् । यसले अनावश्यक रूपमा एअरब्याग नखुल्ने सुनिश्चित गर्दछ, जसले यात्रुहरूलाई अनावश्यक जोखिमबाट जोगाउँछ ।

जीएसी समूहले विश्वव्यापी सुरक्षासँग सम्बन्धित मापदण्डहरू तथा प्रमाणपत्रहरू प्राप्त गरेको छ र यसले उच्च स्तरको सुरक्षा प्रविधिहरू प्रयोग गर्ने कम्पनीको दाबी छ । साथै, सधैं नवीनतम सुरक्षा प्रणालीहरू विकास गर्दै यात्रुहरूको सुरक्षालाई उच्च प्राथमिकता दिन प्रतिबद्ध रहेको बताइएको छ ।

जीएसीले आफ्ना ग्राहकहरूलाई सवारीसाधनको म्यानुअल हेर्न तथा एअरब्यागको कार्यक्षमता र अन्य सुरक्षा विशेषताहरूबारे विस्तृत जानकारीको लागि अधिकारिक सेवा केन्द्रहरूमा सम्पर्क गर्न सल्लाह दिन्छ ।

यदि कुनै ग्राहकलाई सवारीसाधनको सुरक्षासँग सम्बन्धित थप जानकारी आवश्यक छ भने उनीहरूले जीएसीको ग्राहक सेवा केन्द्रमा सम्पर्क गर्न वा नजिकको अधिकारिक सेवा केन्द्र वा शोरूममा सम्पर्क गर्न सक्ने कम्पनीले बताएको छ ।