पूर्वराजाको स्वागतमा योगी आदित्यनाथको पोस्टर बोक्ने राणा भारत भागे

काठमाडौं । गत आइतबार पूर्वराजा ज्ञानेन्द्र शाहको स्वागतमा भारतको उत्तर प्रदेशका मुख्यमन्त्री योगी आदित्यनाथको पोस्टर बोक्ने प्रदीपविक्रम राणा भागेर गोरखपुर पुगेका छन् ।

आफ्नो पछि प्रहरी लागेको भन्दै उनी नेपाल छोडेर भारत आइपुगेको नवभारत टाइम्सले जनाएको छ ।

आदित्यनाथको पोस्टर प्रयोग भएको भन्दै विभिन्न नेताले आलोचना गरेका थिए ।

५८ वर्षीय राणा मङ्गलबार भागेर गोरखपुर पुगेका हुन् । राणाले भने, “प्रहरीलाई लाग्छ कि म भारत सरकार र योगी जीसँग मिलेर नेपालको वर्तमान सरकारविरुद्ध षड्यन्त्र गरिरहेको छु । यसैकारण प्रहरी मेरो पछि लागिरहेको छ र म भारत भाग्नुपर्‍यो ।”

राणा काठमाडौं महनगरपालिका वडा नम्बर १६ का बासिन्दा हुन् । उनका बुबा सेनामा थिए र उनी सुरुदेखि नै राजनीतिमा सक्रिय छन् ।

‘मलाई योगी जी धेरै मनपर्छ’

प्रदीप भने, “मार्च ९ मा हाम्रा राजा ज्ञानेन्द्र विक्रम सिंह नेपाल फर्किए । विमानस्थलमा उनलाई स्वागत गर्न हजारौं मानिसहरू उपस्थित थिए। यस समयमा मैले राजा साहेब र उत्तर प्रदेशका मुख्यमन्त्री योगी आदित्यनाथको पोस्टर सँगै राखेको थिएँ। मलाई विश्वास छ कि योगी जीले जसरी हिन्दू र हिन्दुत्वको लागि निरन्तर लडिरहनुभएको छ, त्यसरी नै उहाँ हामी सबैका लागि एक विश्वव्यापी नेता हुनुहुन्छ। उनको धार्मिक विश्वास अनुसार पनि मलाई उनी धेरै मन पर्छ।”

‘मैले योगी आदित्यनाथलाई कहिल्यै भेटेको छैन’

राणाले योगी आदित्यनाथलाई न त मैले कहिल्यै भेटेको छु न त भारतका कुनै राजनीतिज्ञलाई नै । उनले भने, “म हाम्रा राजा ज्ञानेन्द्र विक्रम सिंह र योगी आदित्यनाथ जीलाई सम्मान गर्छु । यो मेरो एक मात्र अपराध हो । म सन् २००८ मा संशोधन मार्फत परिवर्तन गरिएको नेपाललाई हिन्दू राष्ट्रको रूपमा पुनर्स्थापित गर्ने दृढ समर्थक हुँ।”

राणाले आफूसँग पैसाको अभाव नभएकोले कसैले पनि यो काम गर्न उक्साएको वा प्रायोजन नगरेको दाबी गरे । वर्तमान सरकार नहटाएसम्म नेपाल फर्कने उनले बताएका छन् ।