सईमाथि बालिका बलात्कारकाे आरोप, स्थानीयले घेरे प्रहरी कार्यालय

जनकपुरधाम । महोत्तरीको लोहारपट्टी नगरपालिका–४ मा सशस्त्र प्रहरी नायब निरीक्षक (सई) धर्मेन्द्र सिंहमाथि १० वर्षीया बालिकालाई बलात्कार गरेको आरोप लागेको छ ।

सई सिंह वडा नम्बर ४ पिपराढीस्थित रेल्वेट्र्याक पोस्टमा कार्यरत छन् ।

उनले १० वर्षीया बालिकालाई जबरजस्ती करणी गरेको भन्दै स्थानीयहरूले प्रदर्शन गर्दै सशस्त्र प्रहरी पोष्ट घेराउ गरेका छन् ।

स्थानीयहरूले पोष्ट घेराउ गरेपछि आरोपी सई सिंहलाई सशस्त्र प्रहरीको टोलीले नै नियन्त्रणमा लिएको छ ।

सो क्रममा प्रहरी पोष्ट तोडफोडको प्रयास गरेपछि त्यहाँ स्थानीय र प्रहरीबीच झडप भएर तनाव उत्पन्न भएको थियो । जिल्ला प्रहरी कार्यालय महोत्तरीले बालिकामाथि दुर्व्यहार भएको जनाएको छ ।