माधवसँगको भेटपछि वामदेवले भने – नयाँ आकाशतर्फ फेरि हिँड्न पर्छ भन्ने कुरा भयो

काठमाडौं । नेकपा (एकीकृत समाजवादी)का अध्यक्ष माधवकुमार नेपाल र ‘पार्टी एकता राष्ट्रिय अभियान’का संयोजक वामदेव गौतमबीच भेटवार्ता निष्कर्षविहीन भएको छ ।

सोमबार एकीकृत समाजवादीको केन्द्रीय कार्यालय, आलोकनगरमा उनीहरुबीच भेटवार्ता भएको थियो ।

बैठकमा एकताबारे कुराकानी भएको नेता गौतमले बताए ।

बैठकपछि बोल्दै गौतमले भने, ‘पुराना संस्करण जिवित गर्ने कुरा भयो । नयाँ आकाशतर्फ फेरि हिँड्न पर्छ भन्ने कुरा भयो । अनि आजलाई बैठक स्थगित भयो ।’

पछिल्लो समय पार्टी एकताका सन्दर्भमा दुई नेताबीच वार्ता चलिरहेको छ । नेकपा एकता राष्ट्रिय अभियानले एकीकृत समाजवादीसँग एकता गर्न वार्ता समिति गठन गरेको थियो ।